Ikinubli

Kay pait na ikinubli ka na sa akin ng Langit!
Marahil upang h'wag masaktan
   'pag nakita ang 'yong kagipitan
   bunga ng katigasan ng puso mo't isipan.

Galit sa iyo'y matagal nang humapaw
At napalitan ng pag-ibig na naguumapaw!
Na siya namang pinaiigting ng Maykapal
     sa Kanyang pagkipkip sa iyong kinaroroonan.

Maghapo'y nabulabog sa silakbo ng puso't damdamin
     na tanging pangalan mo ang isinisigaw!
Dahil sa kadiliman,
Pinagtitibay,
Pinadadalisay,
Pagmamahal ko sa iyo, Christopher!

Nasugatang Pag-ibig

Nauunawaan mo ba
Kung saan nagmumula,
Kung bakit nagsisilakbo
Ang aking puso?

Sa likod ng pagtangis at galit
    Ng aking labi
Sa likod ng pagtago at paglayo
    Ng aking sarili

Walang ibang dahilang namumukod-tangi
Kung hindi ang pagmamahal ng labis
     Ng isang taong nasaktan mo
     lampas langit...

O, Christopher!
 

Kasakimang Mapagkunwari

Sa paglipas ng panahon,
Sa patuloy mong paghimlim--
     Na wari ako'y isang malamig nang katawan
     Baon sa lupa't limot ng iyong karimlan.

Unti-unti ko nang tanggap
     Na lahat ng "pagmamahal"
     Na bunga ng iyong labi at gawi
     Ay isang natatanging obra't palabas

...Nilinlang
...Ginamit
...Para makamit ang pangarap mong labis!

Nalalaman mo ba ang hapdi't pait?!
Naranasan mo na ba ang sakit?!!
      Na sa aking puso'y iyong itinarak...
      Na sa aking kaluluwa'y iyong pinangwasak...

Tagos.

Lubos.

Ang iyong Kasakiman!

Kay ganda ng iyong isinukli
Sa pagmamahal kong inalay...

O, Christopher!

Bulag, Pipi, at Bingi

Sa iyong pananahimik,
Damang-dama ko ang iyong pagkamanhid...
Na animo'y wala kang narinig...
Na sa kisap-mata, ang tinig ng naghihinaing ay binura sa iyong gunita...

Hindi inalintana.
Hindi ininda.

Walang pakialam sa kapwang naghihinaing.

Mga mata't pandinig mo'y tutok sa sariling nais...
Kay lungkot.
Kay lamig.
Yan ba ang nagpa-Paring wangis?!

O, Christopher!

Pangako

Kung susumahin,
madali ring tumalikod at magkunwari

Na animo'y ang mga binitawan mong salita
ay bahagi lang ng aking guni-guni,

Na ang pagpisil mo sa aking braso
habang ika'y nagpapahintay ng tatlong taon
ay bunga ng isang nangangarap ng gising.

Kay daling huwag maghintay at umasa
Kay daling maging praktikal

Ngunit ang pagibig na dalisay
para umusbong kapagdaka
ay naitatanim lamang ng patuloy na pagbibigay

Ng awa, unawa, at tawad

Gaya ng patabang hinahasik sa tanim,
ito'y manunuot sa iyong mga ugat
at dadaloy sa iyong katawan
at tutunaw sa iyong pusong bato

Mula sa tubig ng pagmamahal
na aking dinilig

Para sa iyo, Christopher.

Shameless

I am not ashamed to tell you, "I Love You!",
For this is from God.

What is the use of love  if we do not express it?
If it is bottled up in some corner of our mind and heart...

But, if I am unable to do so in word and deed,
Then, I have failed in loving you as I should...